ШИД – Дом здравя Шид вчера достал три нови ЕКҐ-апарати – донацию локалней самоуправи, хтора кошта 286 000 динари.
По словох лїкарки у Доме здравя и членїци Општинскей ради др Ванї Гарди Ґнип, спомнути апарати достаню амбуланти у Бачинцох, Беркасове и Адашевцох.
Як гварела др Гарди Ґнипова, пациєнти зоз спомнутих валалох пре контролу шерца вецей нє буду мушиц путовац до Шиду, алє то годни поробиц у своїх месних амбулантох.
Директор Дому здравя Шид др Крсто Куреш подзековал Општини на тим дарунку и виражел наздаванє же ЕКҐ-апарати достаню и амбуланти у Батровцох, Илинцох, Бинґули и Люби.