НОВИ САД – Ґлумици Емини Елор вчера шветочно уручена „Дневникова” награда, хтору на Стерийовим позорю додзелює редакция новинох „Дневнику”.
Награду – ґрафику Цветана Димовского – Елоровей у шветочней сали Дневнику уручел главни и одвичательни редактор новинох „Дневик” Драґан Миливоєвич.
„Дневникову” награду Емина Елор достала за улогу „Коштани” у истоменей познатей представи Борисава Станковича, а у виводзеню Народного театру зоз Суботици, у режиї Андраша Урбана.
Емина Елор на стаємним анґажманє у мадярским Новосадским театру, а як госцинска участвує у театру у Суботици.