Жабель достава Стратеґию руралного розвою

автор бас
1.2k Опатрене

ЖАБЕЛЬ – У Општини Жабель концом прешлого тижня отримани перша схадзка Роботней ґрупи за виробок Стратеґиї руралного розвою, у рамикох проєкту Локална инициятива за рурални розвой Бачки. На схадзки бешедоване о приоритетох розвою валалох у општини, з чим ше гражданох почнє пририхтовац за хаснованє фондох ЕУ наменєних Сербиї у приступним периодзе.

Як гварела Ивана Паїч з Европского руху Нови Сад, основни предуслов за хаснованє тих фондох то постоянє стратеґиї и локалней-акцийней ґрупи хтора будзе конкуровац за средства. Локална-акцийна ґрупа представя териториялне партнерство медзи явним, цивилним и приватним сектором, а од 2017. по 2020. рок годно конкуровац за безповратни коло 17 милиони еври.

Проєкт финасую Тим за социялни уключованя и зменьшованє худобства Влади Сербиї и Швайцарска аґенция за розвой и сотруднїцтво, а реализує го Европски рух Нови Сад. Партнер на проєкту, у хторим участвую општини Србобран, Жабель, Титель, Бач, Бачка Паланка, Вербас и Бачки Петровец, Реґионална розвойна аґенция Бачка.

ПОВЯЗАНИ ТЕКСТИ