СВИДНЇК (СЛОВАЦКА) – На тогорочним Швету култури Русинох-Українцох Словацкей у Свиднїку на поволанку орґанизатора участвує и Културно-уметнїцке дружтво „Жатва” з Коцура, цо будзе друге участвованє коцурского КУД на тим фестивалє.
Ансамбл КУД „Жатва” у Свиднїку наступи на ютре, 18. юния, зоз сценским приказом „Свадзби”. Нєшка, 17. юния, Коцурци з полгодзинову програму участвую и на локалним фестивалє у Сабинове нєдалєко од Прешова.
Швето култури Русинох-Українцох Словацкей, 62. по шоре, почина нєшка и тирва по нєдзелю, 19. юний, а буду отримани прейґ петнац рижни културно-уметнїцки програми на хторих участвую коло 20 дзецински и ансамбли старших зоз Словацкей, України и Сербиї.
На фестивал до Свиднїку пошла и делеґация Союзу Руснацох Українцох Сербиї, а поволана и делеґация Националного совиту Руснацох.
Швето култури орґанизую Союз Русинох-Українцох Словацкей, Прешовски самоуправни край, Место Свиднїк и Словацки народни музей-Музей українскей култури.