Желєни зоз странками демократского блоку

автор влдї
1.1k Опатрене

ШИД – На вчерайшей конфренциї за новинарох у административним шедзиску Покраїнского одбору (ПО) Желєнєй еколоґийней партиї-Желєни у Шидзе, предсидатель ПО Деян Булатович новинарами сообщел же на виберанки у шидскей општини тота странка виходзи у коалициї з Демократску странку, Лиґу социялдемократох Войводини, Социялдемократску странку и Либерално-демократску партию, а тиж зоз странками демократского блоку на локални виберанки у Войводини и централней Сербиї.

На покраїнским уровню странка видзе у коалициї з Демократску странку, Нову странку и Демократским союзом войводянских Горватох, док на виберанкох за Републични парламент нє будзе участвовац.

Булатович гварел же спомнути странки дали окремне значенє защити животного штредку и прето з нїма посцигнута догварка о заєднїцким воходу на виберанки.

Тиж виражел наздаванє же спомнути коалициї достаню довириє гражданох-виберачох и же формую локални и покраїнску власц.

ПОВЯЗАНИ ТЕКСТИ