КОЦУР – Всоботу, 11. юлия, на 19 годзин у физкултурней сали Основней школи „Братство єдинство” у Коцуре, у рамикох тогорочней „Коцурскей жатви” отворене понукнуце лакоткох на Етно-столох. Традицийни стари руски, сербски и мадярски єдла порихтали жени з Активу женох КУД „Жатва” и жени з КУД „Кароль Сирмаи” з Вербасу.
Бешедуюци о очуваню традициї и о роботи женох, Етно-столи отворела предсидателька Активу женох КУД „Жатва” Коцана Колєсар. Наглашела же Актив женох постої уж 69 роки и вше помагал и „Коцурску жатву” и други манифестациї у валалє и ширше.
З тей нагоди бешедовал и представитель госцох з Курова, зоз Словацкей, Милан Буйда, котри домашнїм подровал колач хтори тиж дома випекли з нового жита, понеже ше, як гварел, и у Курове и у Коцуре житу дава окремну чесц. За делеґацию з Курова пририхтани и окремни приєм у Месней заєднїци Коцур.
На концу отвераня тей провадзацей манифестациї Фестивалу бешедовала и предсидателька Дружтва „Кароль Сирмаї” з Вербасу.
Жени ше окреме потрудзели, бо зготовели коло сто двацец файти єдлох, хтори могло и коштовац, а з финансийну потримовку Покраїнского секретарияту за привреду, обезпечованє роботи и ровноправносц полох.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.