НОВИ САД – Студентки и млади жени ше можу приявиц на конференцию „Women in IT 2” („Жени у ИТ-секторе”), хтора будзе 16. и 17. новембра у Новим Садзе. На сходзе будзе бешеди о улоги ИТ-сектору у твореню вигодних условийох за розвой кариєри женох у Сербиї.
Жени и дзивки буду мац нагоду слухац позитивни приклади женох котри кариєру витворели праве у ИТ-секторе, та о можлївосцох хтори тота обласц понука за професийни розвой и зменшанє проценту нєзанятосци у Сербиї.
Учашнїци годни унапредзиц знаня и схопносци у обласци информацийних технолоґийох, поинформовац ше о нагодох за доставанє роботи и самообезпечованє роботи у тим секторе и звекшац мотивацию за розвой кариєри.
Друга часц Конференциї будзе отримана 23. и 24. новембра на вецей локацийох, дзе през рижни роботнї учашнїци буду розвивац знаня и схапносци у обласци ИТ.
Участвованє безплатне, а за вецей информациї мож писац на мейл biznisnova.org@gmail.com