НОВИ САД – Концом прешлого року Одбор за образованє Скупштини Войводини прилапел заключенє же би ше у школох знова виучовало язик дружтвеного штредку, а тоту инициятиву потримали и Покраїнски секретарият за образованє, та Министерство просвити.
Понеже остало на тим заключеню, посланїк Лиґи социялдемократох Войводини у Скупштини Войводини Александар Мартон здогаднул же би Педаґоґийни завод требал баржей робиц же би ше до школох врацело виучованє язика дружтвеного штредку, як обовязного виборного язика.
Вон здогаднул же така пракса була запровадзована 70. и 80. рокох и же давала добри резултати, прето же и на тот способ млади у Войводини упознавали єдни других и почитовали розличнсц културох и обичайох, було менєй предрозсудки и гранїци медзи младима Войводянами.