ШИД – У Прилапююцим центре за миґрантох вчера предлужена активносц под назву „Живи кнїжки“ у рамикох проєкта „Славме розличносци“ хтору з потримовку Европскей униї запровадзує Фондация Ана и Владе Дивац.
З тей нагоди домашнї жителє були „живи кнїжки“ хтори о себе приповедали миґрантом и так ше лєпше упознавали.
Хвильково у Прилапююцим центре у Шидзе єст коло 150 миґрантох зоз Ирану, Авґанистану, Тунису, Сириї, Пакистану и Ираку углавним фамелиї од хторих 67-еро дзеци предшколского и основношколского возросту.