КУЛА – На своєй другей схадзки, нова Општинска рада (ОР) Кула пондзелок, 13. юния принєсла Ришенє о задлуженю членох Ради по обласцох.
Так за културу спред ОР будзе задлужена Тияна Матияшевич, за просвиту Ференц Лендак, за национални меншини и вирски заєднїци Блаґоє Миленкович, за локалну самоуправу и месни заєднїци Ана Родич, за привреду и транспорт Кароль Валка (котри и заменїк предсидателя Општини Кула), за комуналну дїялносц Наташа Станоєвич, за социялну и здравствену политику др Лїляна Бероня, а за спорт Душан Пєвач.
На схадзки, з хтору предшедовал предсидатель ОР и Општини Кула Перица Видеканїч, меновани и роботни цела Ради, а дата и согласносц на вименки финансийних планох месних заєднїцох у Кули, Сивцу, Крущичу, Руским Керестуре, Липару и Новей Червинки.