Заказованє безплатних препатрункох скори

автор апм
1.8k Опатрене

ВЕРБАС – Вербаски Общи шпиталь ше приключел ґу означованю 16. мая – Европского дня борби процив меланому. Европска кампаня тумору скори „Слунко швици вшадзи, нє лєм на плажи”, будзе означена з акцию препатрункох пациєнтох котри з безплатну поволанку закажу препатрунок при лїкарови у Шпиталю.

Заказованє безплатних препатрункох пиґментизованих пременкох на скори будзе 9,10. и 11. мая од  8 до 20 годзин, на число тел. 0800 222 888.

За препатрунок нє потребни упут, алє зоз собу треба вжац здравствену кнїжочку, пре евиденцию.

Кампаню ше орґанизує пре информованє явносци о вчасних симптомох меланому, а и того року є орґанизована под покровительством Министерства здравя Републики Сербиї.

Безплатни препатрунки пациєнтох будзе окончовац специялиста дерматовенеролоґиї др Драґан Вемич у Дерматовенеролоґийней амбуланти Общого шпиталю, од 7,30 по 14,15 годзин.

ПОВЯЗАНИ ТЕКСТИ