Закончена диґитализация у Войводини

автор ртв, фото: ртв
933 Опатрене

ЗОМБОР – З пущаньом до роботи диґиталних давачох у Кикинди и Зомборе, нєшка закончени процес диґитализациї у Войводини.

-То историйна хвилька за диґитализацию у Сербиї, бо тоти два центри були заплановани ище 1960. року на конференциї у Стокхолму. З їх будованьом и практично закончена диґитализация, а кед слово о покритосци сполнєни шицки европски стандарди – гварел у Кляїчеве Расим Ляїч, министер тарґовини и телекомуникацийох. Вон додал и же з тима двома станїцами покритосц зоз диґиталним сиґналом у Войводини виноши 99,71 одсто.

Европска банка за обнову и розвой у Сербиї давала финансийну потримовку тому проєкту и, по словох директора ЕБРД у Сербиї Даниєла Берґа, витворени и вельки шпорованя.

-Процес набавки мал коштац 26 милиони еври алє, дзекуюци доброму сотруднїцтву, цали проєкт закончени за 18 милиони еври – визначел Берґ.

У 224 емисийних станїцох намесцена опрема остатнєй ґенерациї та у наиходзацей децениї нє будзе треба нїч укладац. Гражданє Войводини од тей хвильки годни зоз хижну антену патриц найменєй 13 диґитални програми.

ПОВЯЗАНИ ТЕКСТИ