Закончуюци испити од 15. по 17. юний, упис школярох у юлию

автор маз
975 Опатрене

СЕРБИЯ – Матуранти основних школох у Сербиї закончуюци испит пред упис до штреднєй школи буду покладац од 15. по 17. юний, а як преноши Танюґ, од того року пременєна система бодованя, та тести буду ношиц 30, место дотерашнїх 40 бодох, а успих под час школованя найвецей 70 боди.

Пондзелок, 15. юния, коло 69 тисячи школяре хтори закончую осму класу буду покладац тест зоз мацеринского язика, ютредзень зоз математики, 17. юния комбиновани тест зоз биолоґиї, ґеоґрафиї, историї, физики и хемиї, а кажди з нїх будзе ношиц найвецей 10 боди.

Прелиминарни резултати буду познати 19., а конєчни 25. юния, док пополньованє и придаванє лїстинох з жаданима школами заплановане за 26. и 27. юний, а конєчни розпорядок и упис школярох од 5. по 7. юлий.

Школяре хтори конкурую за уметнїцки школи, установи, лєбо оддзелєня за школярох з окремнима способносцами, примаци испит покладаю од 30. мая по 12. юний.

ПОВЯЗАНИ ТЕКСТИ