ДЮРДЬОВ – Школяре зоз Здруженя „Музични куцик” пондзелок, 27. юния, у просторийох КУД „Тарас Шевченко” у Дюрдьове отримали Закончуюци концерт, на хторим представели свою рочну роботу.
Здруженє „Музични куцик” основане пред двома роками у Новим Садзе, а годзини музичного образованя отримує у Дюрдьове, Жаблю, Ґосподїнцох, Сириґу, Кисачу и Коцуре, та з тих местох наступели школяре на концерту. На годзини ходза дзеци од 5 до 15 роки и уча грац клавир, гушлю и гармонику.
По словох професорки Каталини Зубич, подобни концерти маю три раз до рока, вше у другим месце. Так Новорочни концерт отримани у Жаблю, Осмомарцовски у Коцуре, а Закончуюци тераз у Дюрдьове.
На Закончуюцим концерту у Дюрдьове з Венчиком руских шпиванкох наступел и Тамбурови оркестер КУД „Тарас Шевченко”.