БЕОҐРАД – Термин за приватизацию медийох виходзи нєшка на пол ноци и спомедзи 50 медийох у державним власнїцтве, дотераз купени 35, а понеже присутни одредзени процивни становиска Аґенциї за приватизацию и Министерства култури и информованя, ище нє познате цо будзе з медиями хтори нє маю купца. Медзи нїма и векши медийни хижи, як цо то Новинска аґенция „Танюґ” и новосадски „Дневник” АД.
После другого кругу предаваня, за вецей медиї ше вимагало же би мали и треци круг, а таку можлївосц достал лєм „Дневник”, хтори анї теди нє предати. На початку процесу приватизациї наявене же медиї хтори нїхто нє купи буду приватизовани з дзелєньом їх акцийох занятим.
При дзелєню акцийох будзе проблем же их нє годни достац роботнїки котри уж вихасновали безплатни акциї явних подприємствох, та у менших медийох може присц до того же нїхто нє ма право на акциї своєй медийней хижи.
Бувши директор РТВ Вранє оценєл же нє ясно дефиноване цо ше подрозумює зоз законченьом процесу приватизациї, понеже по законє потребни коло 95 днї за розподзельованьох акцийох, формованє нового привредного дружтва и пререґистрованє у Аґенциї за приватизацию.