БЕОҐРАД – Предлог закона о учебнїкох, хтори штредком мая поцагнути зоз скупштинскей процедури, тераз доробени и у Министерстве просвити вчера гварели же пред народних посланїкох сцигнє „вєльо скорей септембра”.
Нове предписанє о учебнїкох „помоцнєте” и будзе лєгко запровадзуюце, а як Танюґу гварела державна секретарка у Министерстве просвити Зорана Лужанин, тераз дзепоєдни поняца и термини лєпше потолковани. Додала и же ше почало з роботу на вирабяню шицких провадзацих актох и кед шицко пойдзе як плановане, у септембре ушлїдзи поволанка предкладательом учебнїкох.
Скорей, министер просвити Срдян Вербич потолковал же Закон зоз скупштинскей процедури поцагнути пре лобистох и опасносц же би ше даєдни його члени могло намислом толковац.