РУСКИ КЕРЕСТУР – Вчера отримана схадзка членох Одбору за образованє Националного совиту Руснацох (НС) з Руского Керестура, односно порада о промоциї Основней и штреднєй школи з домом школярох „Петро Кузмяк“ по местох дзе жию Руснаци, пре уписованє школярох до Ґимназиї по руски.
Представителє Ґимназиї „Петро Кузмяк“ и предсидателька Одбору за образованє НС Руснацох Мелания Римар 2. априла у Дюрдьове отримаю промоцию Ґимназиї, а Коцур и Срим нащивя по вельконоцних шветох, порадзене на вчерайшим сходзе.
Плановане и же би концом априла школяре осмих класох з других наших местох пришли до Керестура видзиц Школу и интернат, а Национални совит будзе финансовац автобус хтори заинтересованих привеже до Керестура.
На схадзки бешедоване и о усовершованю за просвитних роботнїкох хтори тримаю наставу по руски, та порадзене же у Вербаше 18. и 19. априла будзе отримани семинар з назву „Як звекшац ефикасносц и мотивацию за ученє – рационално-емоцийни приступ“.