ШИД – У акциї хтору вєдно запровадзели припаднїки Управи гранїчней полициї, Управи царини и Полицийней управи Сримска Митровица, на Гранїчним преходзе Шид, у шлеперу марки „Рено” того тижня пренайдзени и заплєнєни 21 193 бокси циґаретлох „Марболо филтер де лукс” без акцизних маркох.
Циґаретли були скрити у пражнїнох дзвигачки хтору на шлеперу за Италию превожел болгарски державян С. Д.(43), а вредносц циґаретлох оценєта на прейґ 40 милиони динари.
По розказу тужителя, вожачови одредзене затримованє до 48 годзин, а потим є з прияву за каребне дїло криюмчареня, приведзени до Основного явного тужительства.