ВЕРБАС – Штаб за позарядово ситуациї општини Вербас, на чиїм чолє предсидатель Општини Милан Ґлушац, на вчерайшей схадзки розпатрал пририхтованя и порихтаносц жимскей служби вязано за отримованє драгох, дзе бешедоване и о постояцих капацитетох и можлївосцох анґажованя чежкей механїзациї у кризних ситуацийох.
Як гварел Ґлушац, дефиновани приоритетни транспортни драги, критични напрями и часци драгох на хторих ше муши интервеновац у каждей хвильки.
Бешедоване и о можлївей загроженосци жительства з аспекту здравственей защити, окреме старецких обисцох у валалох и можлївосцох їх дочасового змесценя, як и о количествох потребних основних животних намирнїцох, лїкох, енерґентох, статковей покарми и других стварох у случаю позарядових збуваньох.