Заєднїцка годзина физичного у гали

автор маф
719 Опатрене

РУСКИ КЕРЕСТУР – Заєднїцку годзину физичного воспитаня у новей спортско-школскей гали у Руским Керестуре вчера отримали школяре штвартей класи, школяре зоз специялного оддзелєня ОШ „Петро Кузмяк” и дзеци з предшколских ґрупох керестурскей дзецинскей заградки „Цицибан”, кулскей ПУ „Бамби”.

SAMSUNG CAMERA PICTURES

Заєднїцку годзину з дзецми водзел учитель Славко Надь, котри обучени и за спортски активносци з таким возростом, та годзина дзецом була цалком прилагодзена и интересантна.

З дзецми на годзини були учителька Ясмина Сабадош и виховательки Емилия Костич и Ксения Вучкович и по їх словох, тота заєднїцка спортска активносц була увод до Дзецинского тижня, хтори з вельочисленима активносцами у обидвох установох будзе од 5. по 9.октобер.

SAMSUNG CAMERA PICTURES

Того року Дзецински тидзень у цалей Сербиї, та и у керестурских образовних установох, будзе означени под мотом „Потримовка фамелиї – найлєпша потримовка дзецом”.

ПОВЯЗАНИ ТЕКСТИ