РУСКИ КЕРЕСТУР – Предлужуюци традицию, Месна заєднїца (МЗ) и того року за керестурски дзеци орґанизує заєднїцки дочек Дїда Мраза, а потим и заєднїцки дочек Нового року у центре валалу за шицких Керестурцох.
Дїдо Мраз пакецики дзецом подзелї 30. децембра на 13 годзин на пригодней програми у Велькей сали Дому култури. Цена пакецику 500 динари, а заинтересовани пенєж можу уплациц кажди роботни дзень од 8 до 14 г. у просторийох Месней заєднїци (у спортско-школскей гали) и у будинку „Рускому”, у будинку старей Месней заєднїци, дзе ше плаци за комуналиї.
Традицийно, будзе отримана и Шветочна схадзка Совиту Месней заєднїци на концу єдного рока, тераз 30. децембра на 17 г. у Доме пензионерох. Попри членох Совиту и представительох установох и здруженьох гражданох, на схадзку буду поволани и власнїки и представителє валалских подприємствох.
Ище пред Миколайом у орґанизациї МЗ оквецени центер Керестура, дзе 31. децембра вноци будзе орґанизовани заєднїцки дочек Нового року, з огньометом.