НОВИ САД – На инициятиву Заводу за културу войводянских Руснацох, а у складзе з Програму роботи за тот рок, у сотруднїцтве зоз заводами за културу войводянских Словацох и Горватох, у Нови Садзе буду отримани заєднїцки крачунски концерти, з назву „Радуйме ше Христовому народзеню”.
Попри спомнутих трох меншинох-заєднїцох, на концертох буду участвовац и представителє словенскей меншини и попри тим же концерти буду отримани у штирох розличних церквох, представяю и позитивни приклад и представянє Войводини як єдней сучасней европскей реґиї, у хторей ше виками пестує мултиетнїчносц и мултиконфесийносц.
На концертох участвую хори „Гармония”, „Аґапе”, „Кредарица” и Мишани хор словацкей євангелистичней церкви, а перши будзе отримани на соботу, 28. децембра у Церкви (Катедрали) Мена Марийового на Площи шлєбоди, на 16 годзин.
У нашей церкви у Новим Садзе заєднїцки крачунски концерт будзе отримани пред Вилїю по юлиянским календаре, 5. януара.