СЕРБИЯ – По нєурядових податкох, до Министерства просвити, науки и технолоґийного розвою сцигли коло 150 000 прияви за доставанє безплатних учебнїкох, а по конєц тижня би мало буц познате точне число, гверела помоцнїца ресорного министра Зорана Лужанин, а преноши Бета. Понеже буджет за набавку безплатних учебнїкох 600 милиони динари, то нє будзе достаточно же би их шицки достали.
По скорейших наявох, безплатни учебнїки достаню 85 000 школяре, а ище тельо достаню половку потребней суми за купованє учебнїкох. Цени комплетох учебнїкох ше рушаю од 10 000 до 18 000 динари.
Родичи дзецох од другей по штварту класу ОШ вимоги за безплатни учебнїки могли придац по 24. марец, а родичи будуцих першокласнїкох то зробя при уписованю дзецка до школи.