За дванац роки одклонїц 600 депониї

автор 021/зам  фото 021
902 Опатрене

ВОЙВОДИНА – У Войводини єст коло 600 дзиви депониї, з хторих 250 вельки, и прето з нєдавним ребалансом буджету АП Войводина опредзелєла коло 8 милиони динари за санированє дзивих депонийох у Войводини, гварел покраїнски секретар за урбанизем и защиту животного штредку Владимир Ґалич. Пенєж уж и подзелєни дзепоєдним општином хтори ше у наступним чаше маю бориц з таку файту заґадзованя животного штредку.

Як визначел секретар Ґалич, пред отвераньом Поглавя 27 у прегваркох о приступаню ґу Европскей униї, шицки депониї муша буд склонєни.

– Наша обовязка же бизме по 2028. рок склонєли шицки 600 депониї. Медзитим, проблем у тим же ви склонїце єдну, а за рок ше ю знова направи и знова плацице скланянє истей – гварел покраїнски секретар Владимир Ґалич, надпоминаюци же вироятно прето будзе видвоєни пенєж и за надпатранє скланяня дзивих депонийох.

ПОВЯЗАНИ ТЕКСТИ