КУЛА – Кулска општина медзи дзевец општинами у Войводини хтори од Покраїнского секретарияту за привреду, обезпечованє роботи и ровноправносц полох по конкурсу достали средства за ушоренє инфраструктури на индустрийних зонох.
Кула достала 2 милиони диунари як безповратни средства за вибудов водоводней и гидрантскей мрежи у индустрийней зони у Кули, а Општинска рада ище скорей за тоту намену опредзелєла 4,2 милиони динари за тот проєкт.
Контракт у спомнутим покраїнским секретарияту у мено Општини Кула стреду, 17. децембра подписала предсидателька Скупштини општини Снежана Мркаич.