За оправянє кулского „Непкеру” 2,7 милиони динари

автор зам; фото q-media
929 Опатрене

КУЛА – Предсидатель Општини Кула Перица Видеканїч и предсидатель Мадярского културного центру (МКЦ) „Непкер” Жолт Ґоґа вчера подписали контракт о финансованю реконструованя закрица на будинку кулского „Непкеру”. На подписованю контракту присуствовал и заменїк предсидателя Општини Кула Кароль Валка.

Општина за оправянє закрица на „Непкеру” видвої 1,7 милиони динари, а як прешлого тижня на манифестациї „Днї традициї”, хтору орґанизує МКЦ, гварел подпредсидатель Покраїнскей влади Михаль Нїлаш, його Покраїнски секретарият за образованє, управу и национални меншини-заєднїци обезпечи ище милион динари.

Тераз будзе розписана явна набавка, та пошвидко почнє оправянє закрица на кулским „Непкеру”.

ПОВЯЗАНИ ТЕКСТИ