За пориви у польопривреди 130 милиони динари

автор сен
873 Опатрене

НОВИ САД – Вчера подписани 142 контракти з хторима войводянски польопривреднїки достаню безповратни средства за набавку процивкаменцових мрежох у овоцнїкох, за мали прерабяцки капацитети и опрему за наводньованє, за цо з Покраїнскей влади видвоєни вєдно 130 милиони динари.

Покраїнски секретар за польопривреду, водопривреду и лєсарство Бранислав Боґарошки гварел же за процивкаменцово мрежи наменєни 65 милиони динари, за опрему за наводньованє 62 милиони, а три милиони за мали прерабяцки капацитети.

 Понеже за тот конкурс було барз вельке интересованє, Боґарошки наявел же после ребалансу покраїнского буджету будзе можлївосци за розписованє нового конкурсу за пориви за мали прерабяцки капацитети.

За набавку процивкаменцових мрежох Покраїна того року уложела вецей як 200 милиони динари, за опрему за наводньованє 100 милиони, а у тогорочним буджету за першу намену остало ище 55 милиони, за другу 170 милиони динари, цо будзе подзелєне до конца рока.

 

ПОВЯЗАНИ ТЕКСТИ