НОВИ САД – Покраїнски секретар за урбанизем, будовательство и защиту животного шредку Слободан Пузович з представителями рижних здруженьох гражданох подписал контракти о додзельованю пенєжу за софинансованє 49 проєктох з обласци защити животного штредку.
Слово о проєктох за промоцию защити животного штредку, за активносци на очуваню и унапредзованю природних вредносцох, програмох едукациї и дзвиганя свидомосци о защити животного штредку.
– За таки конкурси зме того року пласовали вєдно 10,6 милиони динари. З того 8,6 милиони за здруженя гражданох хтори ше занїмаю з очуваньом животного штредку, а два милиони динари за активносци у урбанизму и будовательстве – гварел Пузович.
Секретар наглашел же интересованє за проєкти з обласци животного штредку вельке, бо ше на конкурси явя коло 200 здруженя и орґанизациї, а з обласци будовательства лєм коло 30. Пре векше интересованє за тоту обласц, Секретарият опредзелює вецей пенєжи за животни штредок.