За републични виберанки дотераз дзешец лїстини

автор зам
1.2k Опатрене

БЕОҐРАД – Републична виберанкова комисия дотераз преглашела дзешец виберанково лїстини за виберанки посланїкох до Народней скупштини Сербиї 24. априла.

Медзи остатнїма трома, як осма преглашена лїстина „Муамер Зукорлич-Бошняцка демократска заєднїца Санджаку” (99 кандидати), як дзевята преглашена лїстина „Зложно за Сербию-Ґлишич-Парович (134 кандидати), и як дзевята лїстина „СДА Санджаку-Др Сулейман Уґлянин” (29 кандидати).

Ище скорей, як перша преглашена лїстина „Александар Вучич-Сербия победзує” (250 кандидати), друга „За праведну Сербию-Демократска странка (Нова, ДСГВ, ЗЗС)” (246 кандидати); треца преглашена лїстина „Ивица Дачич-Социялистична партия Сербиї (СПС), Єдинствена Сербия (ЄС)-Драґан Маркович Палма” (250 кандидати), а штварта преглашена лїстина „Др Воїслав Шешель-Сербска радикална странка” (250 кандидати).

Як пията преглашена лїстина „Двери-Демократска странка Сербиї-Сандра Рашкович Ивич-Бошко Обрадович” (240 кандидати); шеста преглашена лїстина „Союз войводянских Мадярох-Иштван Пастор”, а як седма по шоре преглашена лїстина „Борис Тадич, Чедомир Йованович-Союз за лєпшу Сербию-Либерално-демократска партия, Лиґа социялдемократох Войводини, Социялдемократска странка” (250 кандидати).

Термин за придаванє виберанкових лїстинох за републични виберанки по 8. април.

ПОВЯЗАНИ ТЕКСТИ