НОВИ САД – Шицки школяре осмей класи котри ше жадаю уписац до штиророчней штреднєй школи на маломатурским испиту муша назберац найменєй 50 поени. Школяре з меншим числом поенох годни уписац лєм тророчни школи, преноша аґенциї.
На закончуюцим испиту мали матуранти можу назберац найвецей 100 поени – 70 за успих у основней школи, дзе ше рахує успих зоз шестей, седмей и осмей класи, а 30 поени доставаю кед без гришки поробя тести. Кажди тест ноши по 10 поени – зоз сербского/мацеринского язика, математики и комбиновани.
Медзи школярами котри закончую основни школи найвецей ше глєдаю медицински и електротехнїчни образовни установи, алє нє заоставаю анї ґимназиї.