За ушоренє беґельскей мрежи скоро 18 милиони динари

автор зам
881 Опатрене

КУЛА/ВЕРБАС – Спрам контракту хтори 17. юния з покраїнским секретаром за польопривреду, водопривреду и лєсарство Браниславом Боґарошким подписал заменїк предсидателя Општини Кула Велибор Милоїчич, Општина Кула од спомнутого секретарияту достанє прейґ 9 милиони 902 000 динари за проєкт „Ушоренє беґельскей мрежи”.

Проєкт ше одноши на одводньованє польопривредней жеми, а ушоренє беґельскей мрежи будзе коло местох у кулскей општини, у хотарох хтори загрожени од поджемних и атмосферских водох.

Плановане ушориц прейґ 5 километри беґельскей мрежи, а Општина Кула у проєкту участвує зоз 8 милиони динари.

Општина Вербас за ушоренє каналскей мрежи од Секретарияту достала 9,9 милиони динари, а контракт подписал предсидатель Општини др Братислав Кажич.

 

ПОВЯЗАНИ ТЕКСТИ