Зборнїк роботох „Лемки, Бойки, Русини”

автор ммц
1.2k Опатрене

СЛУПСК (ПОЛЬСКА) – После влонї отриманей Пиятей медзинародней науковей конференциї „Лемки, Бойки, Гуцули, Русини – история, сучасносц, материялна и духовна култура”, у Слупску (Польска), нєдавно вишол зборнїк роботох у хторим обявени и шейсц роботи наших науковцох и публицистох.

З нашей жеми у зборнїку обявени роботи др Янка Рамача („Писменосц Руснацох Южней Угорскей од штредку ХVІІІ до конца ХІХ столїтия”), др Дюру Гардия („Историоґрафийна и публицистична творчосц епископа Дионизия Нярадия у контексту релиґийного и националного идентитету бачванско-сримских Руснацох”), Александра Мудрого („Назви продуктох з конопи у язику Руснацох Войводини”), Сашу Сабадоша („Дїялносц Секциї за Русинох Союзу културно-просвитних дружтвох 1948-1952”), Велимира Паплацка („Вуковар – насилне висельованє Руснацох и Українцох 1991. року”) и Миколи М. Цапа („Митрополит Андрей Шептицкий и Руснаци и Українци Югославиї/Сербиї”).

Конференцию орґанизовал и зборнїк видал Институт историї и политолоґиї Поморскей академиї зоз Слупску у Польскей, у сотруднїцтве з Институтом политолоґиї Зеленоґурского универзитету зоз Зеленей Ґури (Польска), Українским историчним здруженьом у Польскей, Катедру историї политично-юридичних доктринох и историї права Зеленоґурского универзитету, Оддзелєньом русинистики Филозофского факултету у Новим Садзе (Сербия), Институтом народознавства Националней академиї наукох України у Львове (Україна), Факултетом историї Ужгородскoгo националнoгo универзитету (Україна), Катедру историї Филозофского факултету универзитету Матеї Бели у Банскей Бистрици (Словацка) и Музейом українскей култури у Свиднїку (Словацка).

ПОВЯЗАНИ ТЕКСТИ