Звекшує ше число интервенцийох пре насилство у фамелиї

автор сен
756 Опатрене

НОВИ САД – Полицийни управи влонї достали 8 133 вимоги за полицийне интервенованє пре случаї насилства у фамелийох, цо за 1 035 вецей од евитентованих приявох у 2014. року, гварене на конференциї за новинарох у Покраїнскей влади з нагоди 25. новембра – Медзинародного дя борби процив насилства над женми. 

Виглєдованє о розширеносци насилства у фамелиї у АП Войводини указало же кажда друга жена дожила даєдну файту психичного насилства, а 34 одсто випитаних дожило физичне насилство.

Помоцнїца покраїнского секретара за социялну политику, демоґрафию и ровноправносц полох Светлана Селакович визначела же у 2016. року Секретарият запровадзел специялни едукациї за 176 занятих у одвичательних институцийох у 10 општинох и орґанизовал 40 фахови схадзки.

У наиходзацим периодзе ше будзе робиц на информованю о проблему насилства над женми и механїзмох защити, та так Покраїнски завод за ровноправносц полох од 25. новембра по 5. децембер запровадзи кампаню „НАСИЛСТВО ЗЛОДЇЙСТВО – ПРИЯВ ГО!” („НАСИЉЕ ЈЕ ЗЛОчин – ПРИЈАВИ ГА!“) у 7 локалних самоуправох, медзи нїма и у Новим Садзе, Вербаше и Жаблю.

Покраїнски секретар за социялну политику, демоґрафию и ровноправносц полох Предраґ Вулетич поволал шицких гражданох и институциї же би ше информовали о насилстве над женми и же би, кед го обача, то приявели компетентним институцийом.

ПОВЯЗАНИ ТЕКСТИ