Згорело закрице на шопи

автор маф
785 Опатрене

РУСКИ КЕРЕСТУР – Всоботу, 12. септембра зрана, у єдним керестурским обисцу на Вельким шоре вибухнул вельки огень, та цалком згорело закрице на новей шопи, алє виратовани два трактори, прикоч, углє и други ствари цо були под шопу.

О огню до професийней огньогасней єдинки у Кули доявене на 5,20 г., хтора о тим поинформовала керестурске Добродзечне огньогасне дружтво, та на место огня такой вишли шейсцме огньогасци, а до помоци пришла и превозка кулскей єдинки.

7-Ohenj-02

Як за Рутенпрес гварел предсидатель ДОД Михайло Рац, котри тиж участвовал у гашеню, огень загашени за коло два годзини, а нагадує же причина огня електични инсталациї.

З тей нагоди керестурски огньогасци апалую на гражданох же би при купованю мерковали на квалитет електичних дротох и другей инсталациї, бо то барз часта причина за огень.

Кед до ньго придзе, Керстурци най волаю до Добродзечного огньогасного дружтва на тел. 703-333, же би цо скорей достали помоц.

ПОВЯЗАНИ ТЕКСТИ