КОЦУР – З нагоди першей рочнїци шмерци новинара и културного роботнїка з Коцура Силверстера Дорокхазия Цикия, на соботу, 4. априла, Културно-уметнїцке дружтво „Жатва” орґанизує Мемориялни вечар.
Здогадованє на Цикия почнє з кладзеньом квеца на гроб и панахиду на новим руским теметове у Коцуре на 17 годзин, а на 18 годзин у Велькей сали Дому култури у Коцуре будзе пригодна програма и бешеди.
КУД „Жатва” поволує приятельох и почитовательох роботи и дїла Силвестера Дорокхазия же би присуствовали на Мемориялним вечаре, на хторим ше здогадню и ище раз даю чесц тому визначному роботнїкови у култури.
Силвестер Дорокхази Цики нєсподзивано умар 3. априла 2014. року, у своїм 57. року живота.