БЕОҐРАД – Од половки новембра гражданє ше прейґ порталу Е-управа годни приявиц за замену здравствених кнїжочкох, наявела министерка державней управи и локалней самоуправи Ана Брнабич.
– Термин за замену кнїжочкох 31. децембер. Уж зме скоро на початку новембра, а лєм трецина гражданох ма нови електронски здравствени карточки. Влада Сербиї, Министерство за державну управу и локалну самоправу и Министерство здравя робя на хасен гражданох, та вимоги за нови здравствени кнїжочки положели до приоритетох у електронскей управи – гварела Брнабичова.
На порталу Е-управа годно електронски приявиц замену старих здравствених кнїжочкох за нови, а ресорни министерства апелую на гражданох же нєт потреби чекац у шорох и правиц гужви на шалтерох, кед то мож окончиц електронски.