РУСКИ КЕРЕСТУР – Здруженє женох „Байкаˮ вчера у Ресторану „Червена ружаˮ отримало промоцию каталоґу „Пакет сувенирохˮ.
Каталоґ представя приказ продуктох членох Здруженя, алє и даскелїх керестурских продуковательох.
У каталоґу кажди член Здруженя висликовани зоз своїма ручнима виробками, як цо: природни, пахняци мидла, вишивани хлєбовки, ткани керпарки, медовнїки, рижни сувенири з рускима мотивами, геклани бависка и торбички, алє и природни овоцово соки, мед, домашнї айвар и инше.
Здруженє средства за тот проєкт достало прешлого року у децембру од Заводу за родну ровноправносц, медзитим пре шветову пандемию з вирусом корона, орґанизация роботи була очежана, та проєкт реализовани у юнию, два мешаци познєйше як було заплановане.
На виробку каталоґу участвовали и ґрафични инжинєр Златко Емейди хтори поробел дизайн каталоґу, а за фотоґрафованє бул задлужени Любомир Дудаш.
