РУСКИ КЕРЕСТУР – Здруженє спортских рибарох „Коляк” з Руского Керестура на ютре, 2. априла, орґанизує добродзечну акцию з хтору посадзи древка на базену.
Як Рутенпрес дознава од предсидателя Здруженя Михайла Пашу, акция на базену почнє на 9 годзин, а попри рибарох, можлїве же у нєй буду участвовац и школяре з керестурскей Школи.
Здруженє рибарох од „Водох Войводини” достало прейґ 300 древка, найвецей сибирского бресту, алє и дзепоєни други файти древох.
Предсидатель Здруженя тиж информує членох же почало предаванє рибарских дозволох за тот рок, а рибаре дозволи годни купиц на нєдзелю у просторийох „Русину” у Старей школи од 10 до 12 годзин, и на стреду у Друкарнї „Пашо принт”, цали дзень.