НОВИ САД – З подполним применьованьом Закона о землєдїлских задруґох и упартосцу шицких уровньох власци треба мотивовац польопривреднїкох же би ше здружовали, прето же здружованє до землєдїлских задруґох значне нє лєм за економски, алє за цалосни дружтвени розвой валалу – визначел покраїнски секретар за польопривреду, водопривреду и лєсарство Вук Радоєвич на схадзки з предсидательом Задружного союзу Войводини Радиславом Йовановим.
На схадзки бешедоване о сотруднїцтве Задружного союзу Войводини и Покраїни, а як гварел Йованов, потримовка Секретарияту за польопривреду потребна пре злєпшанє условийох дїлованя задруґох, а окреме у ришованю проблемох з укнїжованьом задружнєй власносци.
Ресорни секретар Вук Радоєвич гварел же у покраїнским буджету за 2017. рок буду обезпечени средства за мири потримовки польопривреднїком за дзвиганє силосох, а здружени польопривреднїки би и у тим мали найсц свой интерес и конкуровац за безповратни срества.