НОВИ САД – Вчера у Новим Садзе отримане Першенство Сербиї у атлетики за основни и штреднї школи, на хторим участвовали и двойо змагателє зоз Атлетского клубу „Русин” з Руского Керестура.
Антония Монар ше змагала у скаканю до висока и прескочела 152 цм, а Иван Будински у руцаню кулї хтору руцел на 14,70 м и так обидвойо освоєли златни медалї у своїх катеґорийох.
– На тим змаганю ше ище раз потвердзело же нам скаканє до висока и руцанє кулї дисциплини у хторих ше можеме змагац и споза гранїцох Сербиї – виявела Саня Тиркайла, тренер успишних атлетичарох.
Яки значни успих посцигли керестурски атлетичаре гутори и податок же на тото змаганє пришли лєм побиднїки зоз општинских, окружних и медзиокружних змаганьох.