РУСКИ КЕРЕСТУР – Керестурска Школа „Петро Кузмяк” 28. мая була домашня другому Математичному турниру „Математика през бависко”, на хторим ше змагали школяре нїзших класом з домашнєй и з ОШ „Петефи бриґада” з Кули. Турнир часц манифестациї „Май, мешац математики”.
Змагали ше школяре од першей по штварту класу ОШ и обидва школи маю по єдну побиду, а витворени и найважнєйши циль Турниру – математику приказац на интересантни, забавни способ и през бависко.
Квиз орґанизовали авторка задаткох – школярка трецей класи керестурскей Ґимназиї Соня Кнежевич и ментор – професорка математики Леона Сабо.