РУСКИ КЕРЕСТУР – Новинар з Русиї прешлей нєдзелї, 18. октобра, у Руским Керестуре провадзел фодбалске змаганє керестурского „Русину” и „Борцу” з Бачкого Ґрачцу.
Юрий Парецки и його супруга уж єден час пребуваю у Беоґрадзе, за ФК „Русин” дознал з електронских жридлох информованя, цо гo заинтересовало, та на „лїцу места” од „Русиновцох” внєдзелю достал и вецей информациї о керестурским Спортским дружтве, Клубу, Руснацох и Керестуре, цо будзе пласоване у русийских медийох.
Домашнї щиро привитали госцох, котрих у просторийох „Русину” погосцели и на заєднїцкей вечери по змаганю.