Змени у РТВ Войводини

автор бета/блиц/ртв/зам
1.2k Опатрене

НОВИ САД   – Як преноши Бета, та други домашнї аґенциї и писани медиї, пейц новинарски здруженя позавчером поволали и медзинародни орґанизациї же би ше оглашели з нагоди нєдавних нових зменох у Радио-телевизиї Войводини (РТВ), оценююци же змени пошлїдок политичних прицискох власци и инструментализованє того явного медийного сервису.

Як ше гвари у сообщеню Нєзависного здруженя новинарох Сербиї, Нєзависного дружтва новинарох Войводини, Асоцияциї нєзависних електронских медийох, Асоцияциї локалних нєзависних медийох Локал прес и Асоцияциї онлайн медийох, после змени програмного директора Слободана Арежини и задзекованя ґенералного директора Срдяна Михайловича, 17. мая зменєни и редакторе Информативней програми РТВ и констатоване задзекованє главней и одвичательней редакторки Першей програми ТВ Миряни Йович.

Вчерайши „Блиц” пише же перше зменєни пейц редакторки – Тамара Сриємац, Милица Кравич, Саня Хома, Ивана Милорадов и Милана Милованов, а потим ище дзевецеро редакторе у Информативней програми, медзи нїма одвичательна редакторка на сербским язику Вера Корпонаич, редакторе „Дневнику” на 17 г. Мирослав Задрепко, Мария Стокуча и Ваня Зарич, як и цали редакторски тим информативней емидиї „Разгледнице”.

После зменох, заняти у РТВ явносци упутели отворене писмо у хторим наводза же су застарани за обстоянє явного сервису, а после отриманей схадзки на инициятиву нового о.д руководительства, вчера сообщели же нє достали конкретни толкованя прецо позменьовани особи котри зоз свою роботу допринєсли пороснуцу патреносци програми и угляду тей медийней хижи.

Заняти вимагаю же би ше зменєних врацело на роботу, з толкованьом же руководительство, хторе у статусу окончовательох длужносци и нє вибране по конкурсу, нє мало право на спомнути поцаги.

О.д главней и одвичательней редакторки Першей програми РТВ Войводини Нада Калкан за Инсайдер.нет виявела же нїхто з тей телевизиї нє зменєни, алє же вона вибера нови тим сотруднїкох.

Змени у РТВ тих дньох осудзели и вецей политични странки, а премиєр Сербиї Александар Вучич вчера гварел же змени редакторох у РТВ Войводини по законских предписаньох и же нє було уплїву политики, алє же шицко ришоване през Управни одбор, пренєсла Бета.

 

ПОВЯЗАНИ ТЕКСТИ