Зменшує ше нєзанятосц

автор сен
944 Опатрене

СЕРБИЯ – Од януара по конєц авґуста 153 851 особи з евиденциї Националней служби за обезпечованє роботи достало роботу, сообщела тота установа. Процент нєзанятосци на концу другого кварталу 17,9 одсто, цо за 1,3 одсто менєй у одношеню на перши квартал.

Медзи евидентованима нєзанятима млади до 30 роки творя 25,1 одсто, 27,2 одсто старши як 50 роки, а 47,7 одсто старосци од 30 по 49 роки. На половки того рока процент занятосци бул 51,7 одсто, цо за 2,4 вецей як у истим периодзе 2014. року.

Гоч податки Националней служби за обезпечованє роботи указую же нєзанятосцх вше менша, Медзинародни монетарни фонд твердзи же тоти податки указую лєм процент людзох котри анґажовани з Националней служби за обезпечованє роботи и нє указую реалну слику занятосци у Сербиї. Причина тому же велї людзе нє на евиденциї, а нє робя, лєбо робя на чарно.

ПОВЯЗАНИ ТЕКСТИ