СЕРБИЯ – Управа Транспортней полициї концом прешлого тижня у цалей Сербиї почала з акцию змоцнєней контроли хаснованя безпечносних пасох у превозкох. Акцию ше запровадзує у рамикох ширшей акциї на уровню Европи, односно у рамикох орґанизациї ТИСПОЛ, сообщує МУП.
Резултати виглєдованя хторе окончела Аґенция за безпечносц у транспорту указали же у Сербиї 75 одсто вожачох и путнїкох вяжу пас на преднїм шедовиску, а на заднїм лєм 9 одсто.
По податко Шветовей здравственей орґанизациї, правилне хаснованє пасу зменшує ризик од шмерци у транспортних нєщесцох за вецей як 60 одсто.
Управа Транспортней полициї поволує вожачох и путнїкох у превозкох же би вшадзи вязали пас и спозорює же спрам шицких будзе дошлїдно применьовац предписани мири.
За нєхаснованє безпечносного пасу зоз Законом предписана кара 5 000 динари.