Значни средства з ЕУ за польопривреду

автор ртв
1k Опатрене

НОВИ САД – Средства з предприступного фонду ЕУ значни прето же представяю директну помоц польопривредней продукциї у Сербиї и нєт лєпшей финансийней потримовки як за примарну, так и за прерабяцку продукцию, гварели у Реґионалней розвойней аґенциї Бачка.

Аґенция у остатнїх шейсцох мешацох у дзевец бачких општинох информовала польопривреднїкох о тим як можу апликовац за тоти средства.

З Аґенциї наявюю же у 2016. року вєдно з парастами буду робиц на виробку стратеґийох руралного розвою на уровню локалних самоуправох, хтори указую на приоритети у датих штредкох.

Важне же би ше парасти уключели до процесу прето же то будзе їх стратеґия и ту будзе дефиноване у хторих обласцох би требало апликовац за средства: чи то рурални туризем, чи мали прерабяцки капацитети, гварел директор Розвойней аґенциї Бачка Срдян Везмар.

Условиє и перше крочай за хаснованє того пенєжу же би у Управи за аґрарни плаценя почали робиц 103 службенїки, цо ше обчекує такой початком рока, а хаснованє перших средствох будзе можлїве штредком 2016. року.

ПОВЯЗАНИ ТЕКСТИ