ВЕРБАС – Нєзадовольни же им длужни дзешец плаци, як и же нє видно ришенє проблемох у ЯП за превоз путнїкох „Вербас”, роботнїки того подприємства вчера знова протестовали опрез Општини Вербас, дзе у главней городскей улїци парковали коло 10 автобуси, алє нє застановююци транспорт, пише портал Општини Вербас.
Синдикални руководителє бешедовали з новим предсидательом Општини Миланом Ґлушцом и його заменїком Ненадом Велицким, а на схадзки присуствовал и нови директор ЯП за превоз путнїкох „Вербас” Саша Ковачевич, дзе поведзене же Општина прешлого тижня пробовала обезпечиц пенєж за плаци занятим, алє НИС, як єден з найвекших поверительох, блокировал рахунок и вжал пенєж. Тиж поведзене же ше глєда стратеґийни партнер, цо досц очежане пре терашнї стан у тим подприємстве.
Представителє синдикатох гварели же Општина прешлого тижня ЯП преруцела лєм 800 000 динари, а як порадзене на схадзки, роботнїком буду такой виплацени драгово трошки за шицки заостати мешаци, док о плацох будзе бешеди на штварток.