ЗОМБОР/ОСИЄК – Вчера обновени гайзибански транспорт медзи Зомбором и Осиєком у Горватскей и гайзибан „Желєзнїцох Сербиї” на релациї Зомбор-Ердут вчера рушел з гайзибанскей станїци у Зомборе на 13,12 годзин. Од Ердуту путнїкох пребераю „Желєзнїци Горватскей” и до Осєку путнїки сцигую на 15.30 годзин. Тот гайзибански путнїцки транспорт претаргнути 1991. року.
Горватски гайзибани буду вожиц на релациї Осиєк-Боґоєво-Осиєк, а сербски на релациї Зомбор-Ердут-Зомбор.
Перши ранши гайзибан з Осиєку руша на 6,43 г. и у Боґоєве є на 7,59 г. Исти гайзибан ше враца до Осиєку на 8,20 г., а сцигує на 9,40 г.
Цена карти на релациї Боґоєво-Ердут 111 динари, а Зомбор-Осиєк 481 динари, односно 3,90 еври. Путнїки з тих гайзибанох можу хасновац вязу спрам Новому Саду и Суботици.
Гайзибани на релациї Зомбор-Осиєк за тераз буду исц лєм роботнима днями.