ПЕТРОВАРАДИН – Символично на Шветови дзень туризму, 27. септембра до роботи пущени годзинкови механїзем и дзвонїца на Петроварадинскей кули, хтори тераз подполно автиматизовани, дзекуюци гуманитеарней акциї Ротари-клубу Нови Сад.
Ротари-клуб Нови Сад бул ношитель єднорочного проєкту за цалосну реконструкцию и оспособйованє механїзму познатей годзинки на Твердинї – єдней з важних туристичних локацийох Нового Саду, хтору початком 18. вику царица Мария Терезия подаровала Петроварадину.
Специфичносц тей годзини и же мунтатови робя наспак – вельки указує годзини, а мали минути.
Потримовку у тим проєкту и гуманитарней акциї новосадски ротариянци мали од Покраїнского секретарияту за привреду и туризем, од Городу Нови Сад, як и Туристичней орґанизациї Нового Саду, а на пригодней шветочносци з нагоди початку роботи обновеней годзини присуствовал и подпредсидатель Покраїнскей влади и покраїнски секретар за привреду и туризем Иван Дьокович.