Знова роби сайт Руского Керестура

автор сен
1.1k Опатрене

РУСКИ КЕРЕСТУР – После длугшого часу тих дньох знова преробел сайт www.ruskikerestur.org дзе мож преечитац основни податки о Руским Керестуре и новосци з валалу. Понеже сайт лєм цо оспособени, у наиходзацим периодзе ше го баржей будзе ажуровац.

Месна заєднїца Руски Керестур, у сотруднїцтве з Туристичним здруженьом Руски Керестур (ТЗРК), ище 2014. року порушала тот проєкт, а сайт преробел штредком 2015. року. Павза у роботи була пре технїчни причини, а як за Рутенпрес гварела предсидателька ТЗРК Ивана Дудаш, у наиходзацим периодзе здруженя, институциї и орґанизациї хтори дїлую у Руским Керестуре, на сайт буду класц информациї о своїх активносцох.

Прейґ сайту ше мож и каждодньово информовац о актуалних темох и збуваньох, понеже клик на катеґорию „Новости” хаснователя директно преруцує на висти на „Рутенпресу”, односно „Руским слове”.

Сайт на сербским язику, та є з тим нє огранїчени лєм на руску заєднїцу, алє годзен мац и ширши круг нащивительох.

ПОВЯЗАНИ ТЕКСТИ